Para sa mga wala pang kopya~
P.S pwede niyo yang i-edit~~ paki check kung anong kulang at kung may mali.
P.S.S mas maganda kung may idadagdag kayo.
-niki
Isang Pananaliksik tungkol sa mga Artistang nakatapos at Hindi nakatapos ng pag-aaral
A. Panukalang Pahayag:
Nakakaapekto ang antas ng edukasyon sa nararating ng artista
B. Introduksyon
Paksa:
Ang paksa ng pananaliksik na ito ay malaman kung sa papaanong paraan nakakaapekto ang antas ng edukasyon sa nararating ng artista.
Suliranin:
Karamihan sa mga kabataang artista ngayon ay mas pinahahalagahan ang pagartista kaysa ipagpatuloy ang kanilang pag-aaral.
Kaligiran ng Paksa/ Suliranin:
Inisasantabi muna ng mga kabataang artista ang pag-aaral at mas pinipili ang pag-aartista. Masasabing dahil ito sa pagkakaroon nila ng kita, o di kaya dahil sa personal nila itong kagustuhan, o kagustuhan ng kanilang mga magulang.
Personal/Panlipunang udyok sa pagpili ng paksa:
Ang mga mananaliksik ay mga estudyante sa kolehiyo na nais makapagtapos na pag-aaral. Nais nilang malaman ang mga napagdaraanang suliranin na mga artista, na nagiging sanhi ng kanilang pagtatapos o hindi pagtatapos sa pag-aaral.
Gusto din ng mga mananaliksik na matuklasan ang mga paraan kung paano nila nabalanse o nababalanse ang kanilang pag-aaral at showbiz, at ano ang nagiging epekto nito sa kanila.
C. Rebyu ng Pag-aaral
May tuwirang kinalaman sa paksa/problema
Maaaring may kaugnayan lamang sa paksa/problema
Puwang na iniwan ng mga naunang pag-aaral (ibang aspekto ng paksa, kakulangan ng datos, pagbabago ng kritikal na lapit)
D. Layunin
Pangkalahatan
Layunin ng pananaliksik na ito ang magbigay impormasyon sa mga mambabasa tungkol sa kahalagahan ng edukasyon.
Gayundin ang matuklasan ang mga kinahinatnan ng mga nakatapos at hindi nakatapos sa pag-aaral na mga artista.
Tiyak
Layunin ng pananaliksik na ito na magbigay ng mga impormasyon tungkol sa antas ng edukasyon na narating ng mga artista.
Layunin ng pananaliksik na ito na magsagawa ng surbey tungkol sa mga salik na nakakaapekto sa narating ng artista.
E. Halaga
Mahalaga ang pananaliksik na ito dahil makapagbibigay ng kaalaman sa mga mambabasa kung paaano mababalanse ang pag-aaral at pagtatrabaho. Makasisinop din ito ng mga impormasyon sa mga kinahinatnan ng mga artistang nakatapos at hindi nakatapos, na maaring maging basehan ng mga mambabasa kung ano ang nararapat na gawin kung malagay sila sa parehong sitwasyon.
Makatutulong din ang pananaliksik na ito sa mga estudyanteng nagtatrabaho, dahil mabibigyan sila ng ideya kung papaano ibalanse ang pag-aaral at ang pagtatrabaho.
F. Konseptuwal o Teoretikal na Balangkas
Paliwanag hinggil sa ugnayan ng mga konsepto
Kahon-kahon, bilog-bilog, pana-pana
G. Metodolohiya
Ang pananaliksik na ito, ay magsisimula sa pagkakalap ng mga impormasyon tungkol sa paksa. Makukuha naming ang mga impormasyon na ito sa mga artikulo sa dyaryo o magasin, mga libro, interbyu at ang internet.
Magsasagawa din kami ng surbey na ibibigay sa mga estudyante ng Unibersidad ng Santo Tomas.
H. Saklaw o Delimitasyon
Ang pananaliksik na ito ay tatalakayin lamang ang antas ng edukasyon ng piling artista, na hindi hihigit sa sampu.
Hindi tatalakayin ang personal na buhay nila, tulad ng kanilang pamilya, o mga relasyon nila. Ang pagbabasihan ng pananaliksik nito ay ang resulta ng surbey, ang mga artikulong nakalap, ang interbyu sa mga artista at ang mga impormasyon sa libro.
An gaming surbey ay ibibigay sa isang daang(100) estudyante ng Unibersidad ng Santo Tomas.
I. Daloy ng Pag-aaral
Buod ng bawat kabanata
Subject: Pananaliksik DRAFT 
Sun Dec 14, 2008 11:11 am
